Coñeces a Tilda Briosa? É a nena máis molona e valente do universo. Non lle teme a nada e sempre está disposta a buscar novas aventuras nas que embarcar os Superexploradores.
O meu nome é Ulises Ingenio. Cando miña irmá Emma e máis eu nos mudamos a Villa Océano pensábamos que o noso novo fogar sería un auténtico fastío. Non sabiamos que coñeceríamos a Tilda e mais Valdemar e que nos convidarían a formar parte dos Superexploradores. Ah, si! Migajas tamén pertence á cuadrilla, sempre se me esquece. Migajas é un can fedorento e durmiñón que nos segue a todas partes.
Na nosa primeira misión, un extrano artefacto agochado no faiado levaranos ata a era dos dinosauros, onde viviremos a máis incrible das aventuras.
Parece xenial, verdade? Só hai un problema: As AVENTURAS NON CHE ME GUSTAN NADIÑA!